Etxebizitzak bizitzeko dira

ETXEBIZITZAK BIZITZEKO DIRA

Asko pentsatu gabe, esan genezake diruak jende guztia poztarazten duela, baina badaude beste pertsona batzuk ─existitzen dira, benetan─ nazka sentitzen dutenak dirua idolatratzen dutenenganako. Askok diote dirua edukitzeak ez dakarrela zoriontasuna, eta hala da, edo horrela izan beharko litzateke. Hala ere, denok dakigu dirua edukitzeak gure egunerokotasuneko bizitza errazten duela, eta asko izan gara diruduna izatearekin amestu dugunak.

Egun, jende askoren nahia da bere esfortzu eta lanagatik, edo zorte-kolpe batengatik,  kontu korronteko diru zifra, modu batera edo bestera, handiagotzea. Azken urte hauetan izan dugu adibide nabarmen bat: etxebizitzen erosketa. 

Denbora pasa ahala balioa handiagotzen doanez, etxebizitzen erosketa ikaragarri goratu da azken urteetan. Jendeak etxebizitza bat erosi izan du, urte batzuetan eduki, eta gero, balioa handituta, saldu, etekinak lortzeko. 

Kapitala lortzeko metodo hau erabiltzen dutenak milaka eta milaka pertsona direnez, milaka etxebizitza daude hutsik. Eta hori ez da ongizate estatuaren irudi polita.

Horren harira, Iñaki Arriola Etxebizitza, Ingurumen eta Lurralde Antolaketako sailburuak aste honetan bertan argitaratu du gobernuaren asmoa. Izan ere, etxebizitza hutsen egoera honi aurre egiteko, lege bat sortu nahi dute, eta denbora gutxi barru, lege horren araudi-zirriborroa egingo dute. Proposamen honen funtzionamendua hauxe da, gutxi gorabehera: etxebizitza hutsen jabeei denbora zehatz bat eman alokatzeko; bestela, gobernuak hartuko luke etxebizitza alokairuan uzteko.

Ulertu eta errespetatu behar da pertsona askoren inbertitzeko nahia, baina 20.000 etxebizitza hutsik egotea Euskadin etikoa al da? Dirua inbertitu nahi duenak baditu beste modu batzuk, esaterako, akzioak erosiz, dirua banketxean utziz… 

Eskertzekoa da gaur egun hutsik dauden etxebizitza hauei erabilera bat ematea, eta urte hauetan egon den kaos urbanistikoari irtenbide bat ematea.

Erabilitako iturriak:

-  https://www.berria.eus/paperekoa/1877/004/001/2018-10-03/etxebizitza_hutsak_zigortzea_ontzat_jo_du_konstituzionalak.htm

-https://www.google.es/url?sa=i&rct=j&q=&esrc=s&source=images&cd=&cad=rja&uact=8&ved=2ahUKEwit64OxkO3dAhVuxYUKHUXpBvMQjRx6BAgBEAU&url=http%3A%2F%2Fwww.diariodeleon.es%2Fnoticias%2Fleon%2Fleon-suma-medio-ano-101-ventas-pisos-residentes-extranjeros_1129046.html&psig=AOvVaw3Aao80HWgJT799Tb3i_5sS&ust=1538754216989442