Repsolek 18.300 milioi inbertituko ditu 2025era arte, % 30a proiektu 'berdeetan'

2021-2025 plan estrategikoak karbonoa kentzeko eta energia-konpainia global baterantz aldatzeko prozesua bizkortu nahi du, eta honekin bazkide finantzarioak bilatu,  energia berriztagarrietan hazteko.

Karbono gutxiko ekimenetan egindako inbertsioak guztizkoaren % 30 izango dira, 5.500 milioi eurokoak izango baitira, 2021-2025 aldirako plan estrategiko berriaren arabera.

Koronabirusak eragindako krisiaren eragina dela eta, konpainiak bi alditan banatzen du plana: lehen bi urteetan finantza-indarra ziurtatzera bideratuko da. 2022tik aurrera, COvid-19aren krisiaren eragina berreskuratu ondoren, planak hazkundearen bizkortzea du helburu.

Bazkideak edo inbertitzaileak energia berriztagarrien arloan sartzea planteatzen da, baita burtsara ateratzea ere.

Industriari dagokionez, Repsolek Espainian, Portugalen eta Perun dituen zazpi industria-konplexu handiak hub multienergetiko bihurtuko dira, karbono-arrasto baxu, negatibo edo are negatiboko produktuak sortzeko eta digitalizazioan eta teknologian oinarritutako negozio-eredu berriak bultzatzeko gai izango direnak.

Repsolek erreferentziazko enpresa bihurtu nahi du bioerregai jasangarrietan, 2025ean 1,3 milioi tona ekoizteko ahalmenarekin eta 2030ean bi milioi baino gehiagorekin. Horretarako, hainbat proiektu ditu martxan bere findegietan. Hidrogeno berriztagarria industria deskarbonizatzeko beste bektore garrantzitsu bat izango da.

2021-2025 Planak emisioak murrizteko helburuak handitzen ditu, karbono-intentsitatea % 12 murriztuz 2025erako, % 25 2030erako eta % 50 2040rako, hurrenez hurrun.

Bibliografia:

https://www.hoy.es/economia/empresas/repsol-anuncia-inversiones-20201126100028-ntrc.html

https://www.motorpasion.com/industria/repsol-producira-combustibles-sinteticos-a-partir-hidrogeno-nueva-planta-bilbao-lista-2024