GABONAK

Gabonetan gauzatzen den kontsumoa

Gabonak iritsi dira eta opariak erosteko garaia da familiako guztiontzat, seme-alabak, gurasoak, anai-arrebak, etab. Berez gabonak familiarekin egoteko garaia da, momentu onak guztiok elkarrekin pasatzeko, baina askok esaten dute kontsumitzeko asmakizun bat dela, izan ere, gabionak dira urtean gehien kontsumitzen den garaia, bai janariak ( gabonetako afari eta bazkarietarako), bai opariak ere eta gaur egun erosten diren opari asko teknologiarekin zerikusia dute, gero ere koloniak, arropa eta jostailuak oparitzen dira.

Gabonetan lan postu asko eskaintzen dira, gauzatzen den kontsumismoarengatik. Hala ere, lan postu horiek ez dira finkoak ez betierekoak, baina paroan dagoen jende askok lan postu horiek eskertzen dituzte, baita gazteek ere, diru kantitate txiki bat ateratzeko aukera onak ateratzen direlako. Adibidez supermerkatu askotan jendea bilatzen dute gabonetako kanpainan parte hartzeko, baita denda askotan ere. Lan berezi batzuk ere sortzen dira gabonetan, adibidez olentzero eta errege magoen kabalgatan agertzen diren pertsona batzuei diru bat ordaintzen zaie.

Gero ere badaude enpresa batzuk gabonak aprobetxatuz haien produktuak kantitate handiagoetan saltzeko aukera ikusten dutenak. Adibidez coca-colak gabonetan oso kanpaina handia egiten du bai iragarkien bidez eta baita supermerkatuetan haien produktuak forma espezifiko batean jarriz, haien koloreak gorria eta zuriak direnez gabonekin zerikusi handia du. Gainera egiten dituzten iragarkietan ez dute produktua saltzen, baizik eta sentsazio edo sentimendu bat eta gabon garaia denez familiarekin lotzen dituzte iragarki asko gertutasun sentsazioa transmitituz. Azken finean gabonak aukera handiak sortzen dizkie enpresei haien produktuak edo zerbitzuak saltzeko.