AUTOMOBIL HIBRIDOAK

Gure mundu hau etengabe kutsatzen ari da hainbat faktore direla eta. Baina gu gara kutsatze honen lehengo arazoa, egunero zabor kantitate izugarriak sortzeaz gain, garraioen bidez ere asko kontaminatzen dugulako. Egoera txar honen aurrean, kutxadura murrizteko asmoz, automobil elektrikoak sustatzen hasi dira.

            Aurrerapen izugarri bat ekarri dutela argi dago. Ez da asko begiratu behar eguneroko bizitzan dugun kutsadura ikusteko: aparkalekuetan egoten den kiratsa usaintzearekin bakarrik argi dago auto normalek asko kutsatzen dutela. Hiri handietan ere, eguna amaitzerako, behelaino moduko bat bereiz daiteke. Honen adibide argi bat Txinako gaur egungo egoera da, laino tartean bizi direla esan daitekeelako. Horregatik, hau eragozteko, azken bost urteotan aurrerapauso handiak eman dira, adibidez, automobil hibridoen kopurua handituz, gasoila eta elektrizitatea motor ezberdinen artean konbinatzen dituztenak. Kutsadura murrizteaz gain, askoz ere soinu gutxiago sortzen dute hauek.

Gaur egungo ekonomia ikusita, zaila da horrelako aurrerapenak bultzatzea, garestiagoak baitira. Baina gure ongizate eta osasunari lehentasuna eman beharko geniokela pentsatzen dut nik eta benetan behar ditugun gauzetan inbertitu behar dela dirua uste dut. Denok borrokatu beharko genuke ingurune osasuntsuago bat lortu nahi badugu, horrelako gauzak denon arteko laguntzaz lortzen baitira.