Bidezko merkataritza

Elkarrizketa batean murgildurik nebilela lagun batek aipatu zidan ezagun bat zuela unibertsitatean enpresaren ekonomia edo administrazioa edo tankerako karrera ikasten. Honek esan zidan "etika" deituriko arloa zutela, non erakusten dieten bertako ikasleei (eta hemen dator ""-en erabileraren zergaitia) enpresarentzat errentagarriagoa eta hobeagoa dena egiten, hala nola, produktu bat fabrikatzeak hemen 10 euroko kostua baldin badu eta produktu bera hirugarren munduko haur batek fabrikatzeak 3 euroko kostua badu, bigarren aukera dela egokiena beraz hau aurrera eramaten.

Nire iritziz, ez da bidezkoa hori egitea eta are gutxiago jarrera hori fomentatzea ikasle gazteen eta iraganean enpresaburu izango direnen artean. 

Eskerrak gaur egun badaudela hau ekiditeko moduak, esaterako, Bidezko merkataritza; elkarrizketan, gardentasunean eta errespetuan oinarritutako sistema komertziala bezala definitzen duena nazioarteko elkarteak. Hauen helburua gizarte (eta inguruneari) arreta handiagoa jartzea da. Mundu erakundeak 10 irizpide ezartzen dizkio mota honetako merkataritza arloan lan egiten dutenak bete behar dituztenak:

1. Aukerak sortzea desabantaila ekonomikoak dituzten ekoizleentzat.
2. Gardentasuna eta erantzukizuna
3. Bidezko merkataritza-jarduerak
4. Bidezko prezioa ordaintzea
5. Haurren lanik eta behartutako lanik ez egotea ziurtatzea
6. Ez baztertzeko, genero-berdintasuna lortzeko eta elkartzeko askatasuna (sindikala) izateko
7. Lan-baldintza onak bermatzea
8. Gaitasunak garatzen laguntzea
9. Bidezko merkataritza sustatzea
10. Ingurumena errespetatzea

Beraz, langile behartsuen eskubideak bermatu nahi badituzue eta multinazionalek duten boterearekin amaitu, anima zaitezte bidezko merkataritza dendetara joaten; Donostiako oxfam dendara adibidez.