HAURREN ESKLABUTZA KOTOIAREN INDUSTRIAN UZBEKISTANEN

HAURREN ESKLABUTZA KOTOIAREN INDUSTRIAN UZBEKISTANEN

Haurren esklabotza Uzbekistango kotoiaren industrian, indarrean dagoen arazo bat da gaur egun. Uzbekistan, munduko seigarren kotoi-ekoizlerik handiena eta hirugarren esportatzailea da, eta urtean mila milioi dolar estatubatuar baino gehiago sortzen ditu 850.000 tona kotoi esportatzeagatik. Gaur egun, kotoiaren prezioa azken 200 urteetako mailarik altuenean dago, baina hori jasotzen edo biltzen dutenak pobrezian bizi dira oraindik.

Duela gutxi frogatu da, Uzbekistango uztetan haurrak kotoia jasotzera behartu dituztela. Giza eskubideen aldeko taldeek, kazetariek eta argazkilari independenteek uzta ikuskatu zuten, eta herrialdean derrigorrezko eskulana etengabe eta modu orokorrean mobilizatu zela baieztatu ahal izan zuten.

Uzbekistaneko kotoiaren %90 inguru eskuz uztatzen da, eta kotoiaren erdia, gutxi gorabehera, haurren eskulana erabiliz biltzen da, azken honek, estatuaren babesa du. Giza eskubideen aldeko taldeek uste dute, urtero ehunka haurrek parte hartzen dutela horrelako lanetan.

Kotoi uzta irailero hasten da. Gobernuak landa-eremuko eskola asko ixten ditu, eta haurrak, batzuk 9 urte baino ez dituztenak, kotoia eskuz jasotzera behartuta daude, gehienez hiru hilabetez, borondatezko eskulan helduaren defizitari aurre egiteko. Jasotzen duten ordainsaria, urria edo nulua da.

Haur bakoitzari kopuru bat esleitzen zaio eguneko, eta egunean 50 kg kotoi ere jaso ditzake. Jakinarazitakoaren arabera, baldintza horiek betetzen ez dituztenek edo kalitate gutxiko uzta jasotzen dutenek zigorrak jasotzen dituzte, kolpeen, atxiloketen edo eskolan nota baxuak jasotzeko mehatxuen bidez. Kotoizko zelaietatik ihes egiten dutenei edo lan egiteari uko egiten diotenei eskolatik kanporatzeko mehatxua egiten zaie.

Haurrak lesioekin, gaixorik eta gaizki elikatuta amai dezaketeke lana, asteak lan neketsuan eman ondoren. 2008an baino ez ziren eman haurren bost heriotza kasu gutxienez, segurtasun-estandar desegokien eta neskato baten suizidioaren ondorioz, bere eguneroko baldintzak ez betetzeagatik errieta latza jaso ondoren. Haur nagusiak eta urruneko kotoizko etxaldeetan lan egiten dutenak egoera txarrean daude eta edateko urik eta janari nahikorik ez duten bizitoki inprobisatuetan bizitzera behartuta daude. 

Munduko beste toki batzuetan ez bezala, Uzbekistango haurren derrigorrezko lana estatuak antolatzen du sistematikoki. Hala ere, Uzbeko gobernuak ukatu egiten du haurren derrigorrezko lana politika ofizial baten parte denik, eta esaten du haurrek beren borondatez lan egiteko aukera ematen dutela, familiarekiko edo komunitatearekiko leialtasunagatik, eta errua guraso arduragabeei botatzen diela.

BIBLIOGRAFIA:

• https://www.lavanguardia.com/politica/20180921/451943810131/eeuu-retira-de-la-lista-negra-de-explotacion-infantil-al-algodon-uzbeko.html

• https://www.esterxicota.com/uzbekistan-algodon-esclavitud/

• https://www.carrodecombate.com/2013/06/29/uzbekistn-los-pequeos-esclavos-del-algodn/

• https://www.hrw.org/es/news/2017/06/27/uzbekistan-trabajo-forzoso-vinculado-al-banco-mundial

• https://www.lepetitbaobab.com/blog/el-trabajo-infantil-en-la-industria-algodonera-uzbeka/#:~:text=La%20esclavitud%20infantil%20es%20un,con%20el%20patrocinio%20del%20estado.

• https://www.lepetitbaobab.com/blog/el-trabajo-infantil-en-la-industria-algodonera-uzbeka/#:~:text=La%20esclavitud%20infantil%20es%20un,con%20el%20patrocinio%20del%20estado.