TXINAKO ALDAKETA

TXINAKO ALDAKETA

Gaur egun, denok dakigun modura, geroz eta kutsadura handiagoa dago gure gizartean, guk sortua. Jendea askotan ez da kontzientea, zer nolako arazoak ekar ditzaken horrek. Erraza da gauzak lurrera botatzea edota modu inkontziente batean plastikoak erosten eta erosten egotea, sekulako kutsadura sorraraziz.

Askotan pentsatu izan dut, zer nolako bidea aukeratu beharko genuke, edota zer konponbide dagoen, arazo hau aurrera eraman ahal izateko. Beraz, arrazoi honengatik bilatzen egon naiz  interneten hainbat informazio eta albiste, interesgarria iruditzen zaidan gaia delako.

Hona hemen albiste oso interesgarri bat; Txinak zaborraren (plastikoaren) erosketarekin atzera egin du, hau da, jada ez zaio komeni  beste herrialde batzuei erostea. Honek emaitza negatibo ikaragarriak ekarriko dizkio Espainiari. Lehen gure zaborraren 35%-a Txinara esportatzen zen eta orain berriz zer egingo dugu sortutako zabor guzti honekin? Zabortegiek gure herrialdean aldaketa handia sumatzen ari dira, eta hau Urtarrilaren 1ean aldarrikatu zuela Txinak. Zer nolako etorkizuna espero digu? Hau ez da oraingo gauza, beti esan oi da zein den garrantzitsua birziklatzea, hondakinak ez sortzeko.

Ostera, oraingo honetan erru guztia Txinak duela ematen du, non hau ez da beraien arazoa; beraiek askatasun guztia dute nahi dutena egiteko; arazoa argi dago guk daukagula zaborra neurriz gainean sortzeagatik.

Espainian ikusterik ez dago, enpresek produktuak biltzerako garaian zer nolako plastikoaren erabilera izugarrizkoa egiten duten. Askotan beraiek dira erru guztia daukatenak, hori saihestu daitekeelako modu samur batean: ERABILERA MURRIZTUZ ! Hortaz aparte, plastikoetan askotan etiketa batzuk itsatsiak agertzen dira, hori gerora, kentzea izugarri zaia izango dena eta honen arduraduna argi dago berriz ere enpresak direla. Ez nago inola ere beraien aurka, baina argi dago kutsaduraren gaian borroka gehiago egin beharko litzatekeela. Azken finean guztien esku dago, batzuek laguntza gehiago eta beste batzuek berriz laguntza gutxiago eskainiz. Nola bukatuko da gai neketsu eta zail hau ? Bada garaia denok gure partetik jartzea, aurrera eraman ahal izateko dena; oraingoan gai hau ukitu dut, baina bizitzan gai askokin, aurrera pauso ikaragarriak egin behar dira, azken finean gu garelako gizarte honetan bizi garenak eta bizitza ona nahi dugulako bai guretzat eta ondorengoentzat baita ere.

https://www.elconfidencial.com/tecnologia/ciencia/2018-01-10/china-importacion-plastico-vertederos-espana_1503780/