Black Friday

BLACK FRIDAY:

         Black Friday gaur egun modan dagoen erosketak egiteko egun berezi bat da. Ospakizun hau Estatu Batuetan sortu zen eta orain mundu osoan zehar zabalduta dago. Ostiral beltza esaten zaio egun honi, eta zer du berezia egun honek? Bada, merkealdiak egoten diren eguna da, eta denda gehienetan %20,%30,%40,%50..€-ko beheraldiak egoten dira. Ideia nagusia gizarteak kontsumitzea da. modu honetan, jendeak beharrezkoa baino gehiago erostea eragiten dute eta dendek kantitate handiagotan saltzen dute. Batez ere enpresa handiek erabiltzen dute metodo hau, eta stock-ean dituzten produktuak ateratzen dituzte biltegitik, hauek saltzeko asmoz. Internetetik erosita ere beherapenak izugarriak dira, normalean dendetan baino handiagoak.

Ondasuna objektu material bat da, erabiltzean gogobetetzea dakarrena, nahi bat edo premia bat asetzeko aukera ematen duelako. Ondasun hauetan baliatuz, jendearen nahia edo premia ugaritu nahi dute, beraz enpresa bakoitzak bere estrategiak erabiliko ditu gehiago saltzeko.

Esan beharra dago egun honetan erosketak egitea ez dela uste bezain merkea. Enpresa askok aprobetxatzen dituzte horrelako egunak azpijokoak egiteko. Esate baterako, zenbait enpresa handiek iruzurrean jolasten dute. Aurreko asteetan prezioak igotzen dituzte eta modu honetan Black Friday egunean berezko preziora bueltatzen dira eta prezio  “merkeagoak” ezarri dituztela jakitera ematen dute. Errealitatean hori ez da egia, benetako preziora besterik ez dira itzultzen. Beste trikimailuetako bat, prezio minimo batean kontsumitu ezkero lortzen diren beheraldiak dira. Hau da, oso ohikoa da 30€ baino gehiago gastatzean beherapenak lortzea, modu honetan gehiago erostera erakartzen digute.

Enpresa estrategia deritzo enpresa batek egin beharreko ekintzei eta ekintza horietarako erabili ditzakeen baliabideei buruz enpresak har ditzakeen erabakien multzoa. Aurretik aipatu dudan bezala, enpresa bakoitzak bere trikimailuak erabiliko ditu gehiago saltzeko, batzuk % handiagok jarriz, besteak kantitate kopuru bat kontsumitu ondoren soilik egingo dituzte deskontuak … Eta esan beharra dago Nazioarteko enpresek indar handiagoa izaten dutela enpresa txikiek baino. Enpresa txikiek deskontu handiak egiten hasten badira, diru sarrerak txikiagoak izango dira, beraz, irabazi gutxi izango dituzte.

Prezioa, ondasun edo zerbitzu jakin baten erosleak, eskuratutakoaren truke, saltzaileari ematen dion diru-kantitatea da. enpresaren helburua une oro, ahalik eta etekin handienak lortzea izango da. prezio bat finkatzea da, lortutako sarrerak kostu guztiekin alderatuz ahalik eta handienak izatea dakarren prezioa finkatzea, eta baita salmentak eragindako sarrerak handitzea ere. Merkatuak lotura du elkarren artean, beraz, enpresa batean Black Friday-a ospatzen bada, besteek ere modu batean ospatzeko beharra sentituko baitute. Bestela, bezero guztiak deskontuak dauden dendetara joango dira eta besteek ez dute salmentarik izango, beraz, komeni da momentuko merkatura moldatzea.

Honez gain, oso nabarmena da egun honetarako egiten den publizitatea. Hau enpresa batek kontsumitzailearen portaeran eragiteko asmoz mezu bat zabaltzea da. ordainduta eta masa-komunikabide bat erabiliz (irratia, telebista, prentsa … ). Hau guztia azalduz, dagoeneko ikasi dugu zer den salmenta sustapena; produktu batean salmentak handitzeko helburuz, enpresak denboraldi batean egiten dituen merkaturatze-jardueren multzoa hain zuzen ere.