JOSTAILU-DENDETAKO LIBURUXKAK

Urteetan aldatu ez den gai bati buruz hitz egingo dut, kasu honetan, jostailu-dendak etxera eramaten duten edo han bertan egoten diren liburuxkei buruz izango da. Guztiok dakigun bezala, liburuxka horretan agertzen diren produktuak: jostailuak, umeek behar dituzten karroak, autorako erabiltzen diren aulkiak eta bestelako gauzak agertzen dira. Beraiek beti liburuxka horiek erakargarriak bihurtzen saiatzen dira jendeak erosi dadin, baina, hemen, nire ustean ez dute hori lortzen. Zergatik agertu behar dira nesken produktuak arrosez eta mutilenak urdinez? Badirudi hori ergelkeri bat dela, baina gaur egungo sozietatean arazoak daude horregatik, bai txikiekin eta bai gazteekin.

Mutil batek arrosa den koloreko kamiseta bat eramaten badu edo neska askorekin ibiltzen bada gaya da , neska batek mutil baten modura janzten bada lesbiana da eta gainera, mari-mutila. Nork erabaki du hori? Hori guk erabaki dugu liburuxkak ikusiz edo telebistako jende ospetsu batek esan duelako edo beste edozein arrazoirengatik, besteengan influentziatu gara hori horrela dela esateko.

Jostailuekin gauza bera gertatzen da, txikietatik erakutsi digute ezin dela mutil batek panpina batekin jolasten ikusi ezta neska bat kotxekin jolasten, “pertsona hori arraroa da” edo bestelako kritikak izaten dituztelako.

Pertsonek sozietatea aldatu nahi dute onerako baina, enpresak gauzak aldatzen ez badituzte gure esfortzua ez du gauza askotarako balio haiek eragin handia dutelako gugan, eta gehiago ume batengan.  

Nik ezagutzen dut mutil batek panpinekin jolastea gustuko duela eta
printzesazko mozorroak janzten dituela, baina batzuetan lotsa du horrekin kalera ateratzea jendeak zer esaten duenarengatik. Beraz, nire usteetan, jostailu-dendetako liburuxka eta produktuak aldatzen badira onuragarri egingo du sozietatean eta umeak beldur gabe aukeratuko dituzte benetan nahi dituzten gauzak, koloreak kontuan izan gabe.