Interneten eta sare sozialetan sarritan ibili ohi den
pertsona naiz. Egunero Instagram, Youtube edo Twitter bezalako plataformen
erabilera egiten dut, non ikus-entzunezko edukia sortzen duen jendea jarraitzen
dudan. Azkenaldian atentzioa deitu didan zerbaitez ohartu naiz, jarraitzaile
asko dituzten erabiltzaileek haien edukian zenbait produktu edo zerbitzuen “publizitatea”
sartzen baitute noizean behin.
Gaia interesgarria egiten zait ekimen hori online marketinerako
estrategia ona iruditzen baitzait. Lehenik eta behin, haien produktu edo
zerbitzuak jakitera eman nahi dituzten enpresek jarraitzaile kopuru handia
duten pertsonak aukeratzen dituzte eskaintzen dutena zabaltzearren. Azkeneko
horri “influencer” izena eman zaio, izan ere, ingelesez duen jatorrizko esanahia
kontuan hartuz, sare sozialetan presentzia eta sinesgarritasuna duen pertsonatzat
har genezake; beraz, influentzia horretaz baliatuz, haien jarraitzaileetara
iristeko gaitasuna duen edonor “influencer” kontsidera genezake. Gainera,
audientziarekin jarduten dakite eta aktiboak dira sare sozialetan; horregatik, jarraitzaileen
artean konfiantza lortu dute, esaten dutenari balioa emanik eta erabiltzaileengana
iritsirik.
Jendearen iritzia oso garrantzitsua da zerbait
saltzeko asmoa badugu. Hori dela eta, saldu nahi denari buruzko iritzi
positiboren bat zabaltzea ezbaian dagoen erosle potentzialari erosketa egiterako
orduan ideiak argitzeko bide bat izan daiteke. Lagun, ezagun edo interesatuak
gaudenari buruz aditua den pertsona baten iritziaz geroz eta gehiago fidatzen
gara eta enpresak horretaz baliatzen dira, haien marketin taktika moduan online
munduan eragin handia duten pertsonak erabiltzen baitituzte kanpainak geroz eta
publiko handiago batera iris daitezen.
Bestalde, ekimen horrek “influencer” horiek
gustuko dutena egiten (bideoak egitea, artikuluak idaztea...) bizitzea
ahalbideratzen dituenez, interesgarria egiten zait eta etorkizunean lanbide
garrantzitsu bat izango dela pentsatzen dut, Interneten hazkundea (komunikaziorako
bide moduan) nabaria baita.
iruzkinik ez:
Argitaratu iruzkina
Oharra: blogeko kideek soilik argitara ditzakete iruzkinak.