Orain dela aste batzuk, whatsapp-etik zirkulazioan dabilen testu horietako bat bidali zidaten eta gainontzekoak ez bezala, oso interesgarria iruditu zitzaidan. Honela esaten zuen testuak: "Herri txiki bat da, krisiak asko mindu ditu biztanleak eta denak zorrez leporaino daude. Bat batean gizon oso aberats bat iristen da herrira, sortez, eta lekuko hotel bakarrean sartzen da eta 100 euroko billete bat uzten du harreran, logelak begiratzera doan bitartean. Hoteloaren jabeak billete hori hartzen du eta korrika joaten da haragindegiko zorrak ordaintzera. Haragindegiko jabeak billetea ti-ta batean hartu eta zerriak saltzen dizkion baserriko jabeari zorrak ordaintzera abiatzen da. Baserriko jabeak, zerrien janaria saltzen dion enpresarengana joaten da billete berakin, zorrak ordaintzera hau ere. Enpresa horren jabeak ere billetea zor bat ordaintzeko erabiltzen du, konkretuki herriko prostitutarekin daukana. Neskatxak billetea eskuan duela, hotelera joaten da, izan ere, azkeneko alditan horra joan zen bere klientekin eta oraindikan ez zuen ordaindu. Billetea harreran uzten du. Momentu horretan gizon aberatsa logelak ikustetik bueltatzen da esanez ez dituela gustuko, berak utzitako billetea hartu eta joan egiten da. Herriko inork ez du zentimo bat ere irabazi, baina denek zorrak kitatu dituzte dagoeneko."
Honek sortutako konklusioa da; dirua herri txikietako ekonomia lokalean ongi zirkulatuzkero bai zorrak eta bai krisia desagertuko da, beraz denek komertzio txikietan inbertitu bekarko genuke, horrela, gutxinaka-gutxinaka krisiari aurre egin ahal izateko.
iruzkinik ez:
Argitaratu iruzkina
Oharra: blogeko kideek soilik argitara ditzakete iruzkinak.