ABIADURA HANDIKO TRENA

Merezi al du mendietan eginiko txikizioak, merezi al du egindako inbertsio guztiak, merezi al du egindako guztiak helmugara lehenago iristeko soilik egin bada?

Gai gatazkatsua da "euskal Y" trenbidearen gaia, aldekoak eta kontrakoak ados jartzen ez direlako gehienbat. Duela asko hasi ziren lanak, baina inork ez daki noiz bukatuko diren lan hauek. Agintarien ustez proiektua bideragarria da, baina egindako inbertsioak amortizatzeko adina jende ibiliko al da tren honetan? batek baino gehiago pentsatuko zuen horretarako askoz hobe dela Autobus Magikoaren erritmoan mugitzea. Baina bromak alde batera utzita, gastu guzti hauek euskaldunoi urtez urte kobratuko zaizkie. Inbertsio guzti hauek ordea, gutxi batzuk erabiliko dituzte, ez da eta ohikoa egunero trenez horrelako distantziak egitea. Hala ere lanak aurrera doaz eta pixkanaka pixkanaka ohikoa bihurtzen ari da gure mendietan izugarrizko zubi eta tunel luzeak ikustea. 

Landa eremuko paisaia eraldatzen ari dira lanak

Garraiobide merkea ere izango dela kalkulatu da. Renfek Madril eta Segovia arteko Intercity zerbitzurako ezarritako prezioen oso antzekoak izango ditu, Euskal Y-aren ardura duen enpresak adierazi duenez. Hau da, enpresa horren arabera, Euskal Autonomia Erkidegoko hiriburu batetik bestera joateko txartelak 2011. urtean 9 euro balioko zukeen gutxi gorabehera (50 bidaiako bonua erosiz gero, bidaia bakoitzeko gutxi gorabehera 4 euro); RENFEk 2014an Madril-Segovia tarterako emandako prezioak hartuz gero, berriz, Intercity txartelaren prezioa 12,70 euro litzateke (betiere, turista klasean, hau da, merkeenean), eta 50 bidaiako abonamendurik ez dago Intercity zerbitzurako(Alvia zerbitzurako, 50 bidaiako abonamenduarekin prezioa 5 euro litzateke bidaiako)
Prezioei erreparatuz gero aldaketak ez dira oso handiak, beraz, nire iritziz, proiektu hau ez da errentagarria, ez gure poltsikoarentzat ez eta gure mendientzat.